Хөгжилд хүргэх ур чадварыг бид олгоно

Германы Олон улсын хамтын ажиллагааны нийгэмлэг (GIZ)-ээс МБС-ын салбарт хэрэгжүүлсэн төслүүдийн үр дүн, сайн туршлага, мэдлэгийг тодорхойлох, чадамжийн төвүүд цаашид сайн туршлагыг хэрхэн түгээж, тогтвортой хэрэгжүүлэх төлөвлөлтийн семинар Улаанбаатар хотноо 2022 оны 10-р сарын 24, 25-ны өдрүүдэд зохион байгуулагдлаа.

Тус арга хэмжээнд “Түншлэлд суурилсан техникийн болон мэргэжлийн боловсрол, сургалт” төслийн 7 Чадамжийн төв, Боловсрол, Шинжлэх ухааны яам, Боловсролын ерөнхий газар, МБС Түншлэл ТББ-ын төлөөллүүд оролцлоо.

Төслийн хүрээнд хуримтлуулсан мэдлэг, туршлагаа танилцуулж, үе шаттайгаар салбартаа түгээн дэлгэрүүлэх талаар санал солилцож, төлөвлөгөө гаргаж ажиллав.